நிகழ்ச்சி தயாரிப்பாளர் பட்டறை : 2024

சம்பளமோ கிம்பலமோ... எளிமையாக சம்பாதிக்க....

GOOGLE-1

.

.

Thursday, September 26, 2024

பயிற்சி விளையாட்டு தொடரின் பகுதி-6


பயிற்சி விளையாட்டு தொடரின் பகுதி-6
மனப்பாடம் செய்ய பயிற்சி விளையாட்டு-3

அப்படித்தான் ஒருமுறை எங்களது தமிழாசிரியர் எங்களை வைத்தே விளையாடி, எங்களது பாடங்களை வாழ்நாள் முழுதும் நாங்கள் மறக்க முடியாதபடி ஒரு ஆச்சரிய விளையாட்டு விளையாடினார் அது என்ன விளையாட்டு? 

அவர் எனது செல்ல தமிழாசிரியர் திரு.நா.ஆ.மாலிக்(தமிழக அரசின் சிறப்பாசிரியர் என விருது வாங்கியவர்) செல்ல தமிழாசிரியர் என்று சொல்லக்காரணம் அவர் எங்களுக்கு பிடித்த வழியில் ஒரு விளையாட்டை விளையாடுவதைப்போல தமிழ் பாடங்களை சொல்லித்தருவார். எங்கள் தாய்மொழியான தமிழைத்தான் நாங்கள் நன்றாக பேசுகிறோம் படிக்கிறோம் தமிழ் வழியில் கணிதம், அறிவியல், வரலாறு என்று படிக்கிறோம் பிறகு எதற்கு தமிழை தனியாக ஒரு பாடமாக அதையும் படித்து பரீட்சை எழுதி மதிப்பெண் எடுக்கவேண்டும் இது சரியில்ல என்று நாங்கள் கூறியதைக்கேட்டு,  எங்களுக்கு தமிழின்மீது ஒரு தனி விருப்பத்தையும், தமிழை விரும்பி படிக்க ஒரு ஈடுபாட்டை ஏற்படுத்தியவர் இந்த தமிழாசிரியர். 

அன்று எங்களது  பள்ளியின் கால அட்டவணைப்படி முதல் வகுப்பு தமிழ்... மாணவ மாணவியர் அனைவரும் தமிழ் ஐயா அவர்களின் வருகைக்காக காத்திருந்தோம்...... இன்று அரையாண்டு பரிட்சை விடைத்தாள்கள் அனைத்து மாணவர்க்கும் வகுப்பில் வழங்கப்படும் என்கிற எதிர்ப்பார்ப்பில், ....பின் வரிசையில் ஒரு சிலருக்கு ஏன்டாப்ப பள்ளிக்கு வந்தோம் என்றும், மற்றும் பலருக்கு சற்று பயம் கலந்த இறுக்கமான சுழலில் இருப்பது போல்... அமைதியாக  ஆசிரியரின் வருகைக்காக காத்திருந்தோம். 

நானும் எனது நண்பனும் எப்போதும் இணைந்தே இருப்போம், நாங்கள் உட்காருவது வகுப்பின் முதல் வரிசை, வகுப்பின் பாதியளவு மாணவிகளின் வரிசைக்கு அடுத்த சற்று  இடைவெளிவிட்டு   எங்களின் வரிசை ஆரம்பம்,  நாங்கள்  தேர்வை  நன்கு எழுதி இருந்ததால் மிகுந்த மகிழ்ச்யுடன் ஆசிரியரின் வருகையை எதிர்ப்பார்த்து அமர்ந்திருந்தோம், எங்களுக்கு முதல் மதிப்பெண் நிச்சயம் கிடைக்கும் என்ற மகிழ்ச்சியில், முகத்தில் பெருமிதம் பொங்கி வழிந்தது. ஸ்டைலாக சற்று சட்டை காலரை  உயர்த்தலாமா? வேண்டாம்..வேண்டாம்...முதலில் விடைத்தாள் கையில் வரட்டும் பிறகு பார்த்துகொள்ளலாம். இந்த மாணவிகள் ரொம்ப மோசம், விடைத்தாளில் ஏதாவது ஒரு மதிப்பெண்  குறையை காண்பித்து, ஆசிரியரிடம் அழுது மன்றாடி தமது மதிப்பெண்களை சற்று உயர்த்திக்கொண்டு அதனால் முதலிடத்திற்கு முன்னேரிவிடுகின்றனர்... இருக்கட்டும், இந்தமுறை நாமும் முயற்சிப்போம், முதலிடம் நமக்குதான்........ 

தமிழ் ஐயா (ஆசிரியர்) வகுப்புக்குள் நுழைய அனைவரும் எழுந்து நின்று  வணக்கம் சொல்லி அமர்ந்தோம், வகுப்பை ஒரு முறை சுற்றிப்பார்த்த ஆசிரியர், நான் இன்னும் உங்களது அரையாண்டு விடைத்தாள்களை திருத்தவில்ல என்றார்..... அனைவரிடமிருந்தும் ஒரு பெருமூச்சு வெளிவந்தது. அப்போது ஆசிரியர் என்னை  அழைத்து  எங்கள்  வகுப்பின் அரையாண்டு விடைத்தாள் கட்டை என்னிடம் தந்து, உங்கள்  வகுப்பின் அனைத்து விடைத்தாள்களையும் நியே திருத்தி, சரியான மதிப்பெண் வழங்கி, நாளைக்குள் திரும்ப என்னிடம் ஒப்படைக்கவேண்டும், உனது நண்பன் வடிவேலையும் உனக்கு உதவியாக சேர்த்துக்கொள் என்று கூறிய தமிழாசிரியர் அந்தப்பளியின் உதவி தலைமை ஆசிரியராக இருந்ததால், பள்ளியின் முக்கிய அலுவலக வேலை இருப்பதாக கூறி, உடனே வகுப்பை விட்டு சென்றுவிட்டார். (செல்வதற்கு முன் எங்களிடம்  "கவனமாகவும் வகுப்பில் ஒருவரும் குறை சொல்லாத அளவில் சரியாக விடைத்தாள்கள்  திருத்தப்படவேண்டும்  என கட்டளையிட்டார் ).\

!!!!அவ்வளவுதான் வகுப்பில் அனைவரது கண்களும் எங்கள் பக்கம்  திரும்ப,  நாங்கள் மிகப்பெரிய உருவம் பெற்றதுபோல்...(விஸ்வரூபம்)... காற்றில் மிதக்கலானோம். எங்களுக்கு இப்படி ஓர் வாய்ப்பா? சற்றுநேரம் எங்களுக்கு ஒன்றும் புரியவில்லை... திக்குமுக்காடிப்போனோம். 

அரையாண்டு விடைத்தாள் கட்டு எங்கள்  கையில் வந்தபோது மிகப்பெரிய பொறுப்பு வந்துவிட்டதுபோல் உணர்ந்தோம்.  சில மாணவிகள் எங்கள் பக்கம் ஓடி வந்து,  நாங்கள் "கோனார் தமிழ் உரைநடை" பாட நூலின்படி தேர்வு எழுதிள்ளோம், ஆகவே நீங்கள் எங்களது விடைத்தாள்களை இதைபார்த்து படித்து திருத்துங்கள் என்றார்கள்.... இன்னும் சிலர் வேறு பல உரைநடை விடைத்தாள் நூலையும் தந்து கவனமாக திருத்தும்படி கூறினார்கள்..... கையிலும், மனதிலும் மிக அதிக கணம்...... நிரம்பியது போல் உணர்தோம்...... 

மறுநாள் திருத்திய விடைத்தாள் கட்டுக்களுடன்,  சரியாக பள்ளிமனியாடிக்கும்போதுதான் வகுப்புக்குள் நுழைந்தோம். வழக்கம்போல ஆசிரியர் தமிழ் அய்யா வகுப்புக்குள் நுழைய அனைவரும் எழுந்து நின்று  வணக்கம் சொல்லி அமர்ந்தோம்.  தமிழ் ஐயா அழைப்பதற்கு முன்பே நாங்கள் அவரிடம் சென்று திருத்திய விடைத்தாள்களை தந்தோம்.

ஆசிரியர் ஒவொருவராக பெயர் கூறி அழைத்து அவரவர் விடைத்தாள்களை வழங்கினார். எங்களது பெயர் கூப்பிட்டதும் நாங்களும் எங்களது விடைத்தாளை பெற்றுக்கொண்டோம்.  நாங்கள் எங்களுடைய விடைத்தாளை திறந்து பார்க்காமல் மற்றவர்களின் முகங்களைத்தான் பார்த்தவண்ணம் இருந்தோம்.  பெற்றுக்கொண்ட அனைவரது முகத்திலும் மகிழ்ச்சி தெரிந்தது  ( மதிப்பெண்களை வாரி வழங்கியிருப்பதால் நிச்சயம் மகிழ்ச்சியாகத்தான் இருக்கும்)

எனக்கும் என் நண்பனுக்கும்  சற்று வருத்தமே, காரணம் நாங்கள் திருத்திய விடைத்தாளுக்கு நாங்களே எங்களுக்கு  முதல் மதிப்பெண் போட்டுக்கொண்டால் சரியாக இருக்காது என்பதால் இந்தமுறை வகுப்பில் இரண்டாவது மற்றும் முன்றாம் நிலைக்கான மதிப்பெண்தான் பெறமுடிந்தது மேலும் அதிகப்படுத்த முடியாத தர்மசங்கடமான நிலை, இருந்தும் வகுப்பின் அனைத்து விடைத்தாள்களும் எங்களால் திருத்தப்பட்டது என்கிற பெருமை எங்களின் மனம் முழுவதும் பரவிக்கிடந்தது. 

அன்றைய பாட வகுப்பு முடிந்ததும், தமிழ் அய்யா எங்கள் இருவரையும் தனியே வகுப்புக்கு வெளியே  அழைத்துச் சென்று  "கிருஷ்ணா, வடிவேல் நீங்கள் இருவரும் நன்கு படிப்பவர்கள்,  அனாலும் சென்றமுறை நீங்கள் சற்று குறைவான மதிப்பெண் எடுத்து சற்று கவனக்குறைவாக இருந்தீர்கள்,  எனவேதான் உங்களை  வகுப்பின் அனைவரது விடைத்தல்களையும் திருத்தும்படிக்கூறினேன்,  நீங்களும் கவனமாக விடைத்தாள்களை திருத்தியதால் இனி உங்கள் வாழ்நாள் முழுவதும் இந்த பாடங்களை மறக்கமாட்டீர்கள்.  மாறாக நான் உங்களுக்கு வினாத்தாளுக்கான விடையை நன்கு மண்டையில் நுழையட்டும் என்று நுருமுறை கட்டாயப்படுத்தி எழுத சொல்லியிருந்தால் நீங்கள்  நிச்சயம் செய்திருக்க மாட்டீர்கள், அப்படி செய்திருந்தாலும் கோபத்தினால் அது உங்கள்  மனதில் பதிந்திருக்காது எனவேதான் இப்படி செய்தேன்" என்று கூறிக்கொண்டே போனார் ... எங்களுக்கு ஆசிரியர்  "கீதையை" உபதேசம் செய்வதுபோல இருந்த்தது, எங்களது பெருமை என்ற மிகப்பெரிய மாய உருவம், அடங்கி , ஒடுங்கி மிகச்சிறிய உருவமாக மாறியதுபோல வெட்கித் தலைக் குனிந்தோம். 

"இந்த நிலை மாறிவிடும் என்பதை நான் எப்போதும் மறந்ததில்லை. அது இன்பமாக இருந்தாலும் சரி, துன்பமாக இருந்தாலும் சரி... மாறிவிடும்! இதோ இந்தக் கணத்திலும் கூட!"  (வறுமையில் பிறந்து, வாழ்வெல்லாம் போராடி, உலகையே தன் பெயரை உச்சரிக்க வைத்த மாபெரும் கலைஞன் சார்ளி சாப்ளினின் இந்த மந்திரச் சொல், நம் வெற்றிக்கும் நல்ல சாவி!)  

வாருங்கள் சுட்டீஸ் நமது அடுத்த பயிற்சி விளையாட்டில் உங்களோடு விளையாட வருகிறேன்.

வாழ்க்கையில் உயர...விடாமல் முயலுங்கள், விரும்பியதைப் பயிலுங்கள்.

தொடர்ந்து சிந்திப்போம் .....மீண்டும் சந்திப்போம் !
நன்றிகளுடன் கோகி. என்கிற கோபால கிருஷ்ணன்- ரேடியோ மார்கோனி.

முன்னோட்டம்:-
நாளை மறுநாள் நாம் விளையாடவிருக்கும் பயிற்சி விளையாட்டு:-
*பயிற்சி விளையாட்டு தொடரின் பகுதி-7*
*(ஒ) சோம்பல் தவிர்த்து புத்துணர்ச்சி பெரும் பயிற்சி விளையாட்டு-1* 

*பயிற்சி விளையாட்டு தொடரின் பகுதி-7*

*பயிற்சி விளையாட்டு தொடரின் பகுதி-7*
*(ஒ) சோம்பல் தவிர்த்து புத்துணர்ச்சி பெரும் பயிற்சி விளையாட்டு-1*

நமக்கு நிறைய பாராட்டுக்கள் வேண்டுமென்றால்,  நாம் மற்றவர்களை பாராட்ட கற்றுக்கொள்ளவேண்டும், அதோடு  புகழ்ச்சி, பெருமைகளை எப்படி எதிர்கொள்வது என்பதையும் தெரிந்துகொள்ளவேண்டும்? வாருங்கள் இன்றய பயிற்சி விளையாட்டிற்கு செல்வோம் 

எந்த விளையாட்டை விளையாடினாலும் மனதுக்கு பிடித்த விளையாட்டை விளையாடவேண்டும் அப்போதுதான் அந்த விளையாட்டும் நமது மனதில் ஆழமாக பதியும். 

முதல் இரண்டு வருடம் நான் எனது ஆரம்ப கல்வியை ஆங்கில கான்வெண்ட் பள்ளியில் படித்தேன் பிறகுதான் அரசு ஆரம்ப பள்ளியில் சேர்த்து தமிழ் வழியில் படிக்க வைத்தார்கள். இந்த விளையாட்டு நான் ஒன்றாம் வகுப்பில் படிக்கும்போது பள்ளிக்கூடத்தில் விளையாட அப்பாவிடம் கற்றுக்கொண்டது. பள்ளியிலும் சபாஷ் என்று சிறப்பு பெயரை எனக்கு வாங்கித்தந்தது.

இதுவும் ராஜா ராணி திருடன் போலீஸ் போன்ற சீட்டுக்கள் விளையாட்டைப்போலவே இருக்கும். இந்த விளையாட்டின்படிஉங்களைப்பற்றி உங்களது தலையில் ஒரு சீட்டு எழுதி ஒட்டியிருக்கும். உங்களின் தலையில் என்ன எழுதி ஒட்டியிருக்கிறது என்று  உங்களுக்கு தெரியாது. ஆகவே நீங்கள் வேறு ஒருவரின் உதவியை நாடவேண்டும். அதேபோல நீங்களும் உங்கள் எதிரில் இருப்பவராது தலையில் இருக்கும்   வாசகத்தை வாசிக்க உதவி செய்யவேண்டும்.

விளையாட்டின் முக்கிய விதி தலையில் இருக்கும் சொல்லை / வாசகத்தை படித்து அவரை புகழ்ந்து கூறவேண்டும்.

உதாரணமாக ஒரு மாணவியின் தலையில் "அழகு" என்ற சொல் ஒட்டப்பட்டுள்ளது. அதேபோல ஒரு மாணவனின் தலையில் "திருடன்" என்ற சொல் ஒட்டப்பட்டிருக்கிறது. இப்போது அந்த இருவரும் அவர்களுக்கு எதிரே இருப்பவராது தலையில் ஒட்டப்பட்டிருக்கும் வாசகத்தை படித்து அவர்களை புகழ்ந்து பேசவேண்டும்.

இப்போது விளையாட்டுக்கு போகலாம். முதலில் மாணவியின் நெற்றியில் ஒட்டிய வாசகப்படி புகழ்ந்து பேசவேண்டும்  "ஆமாம் நீ ரொம்ப அழகு. உனக்கு எப்போதும் அழகாக உடை அணிந்துகொள்வது ரொம்ப பிடிக்கும். அதோடு நீ கலகலவென சிரித்த முகத்தோடு அனைவரிடமும் பேசுகிறாய்..." இப்படியெல்லாம் அந்த மாணவியின் முன்பு ஒரு மாணவன் பேசும்போது அந்த மாணவி அதை எப்படியெல்லாம் எதிர்கொள்கிறார் என்பதை ஆசிரியர் குறித்துக்கொள்வார். 

அடுத்து மாணவனின் முறை வரும்போது. இப்போது அந்த மாணவி மாணவனின் தலையில் எழுதியிருக்கும் "திருடன்" என்ற வார்த்தையை படித்துவிட்டு புகழவேண்டும். "ஆமாம் நீ திருடன்தான். எல்லோருக்கும் பிடித்த மனம்கவர்ந்த அன்புத் திருடன் நீ, வெண்ணையை திருடிய கண்ணன் போல நீயும் விளையாட்டுத் திருடன்." இப்படியெல்லாம் சிறப்பாக யோசித்து புகழவேண்டும் அப்போது அந்த இருவரது நடவடிக்கைகளை ஆசிரியர் குறித்துக்கொள்வார்.

பிறகு இந்த விளையாட்டில் யார் சிறப்பாக விளையாடினார்கள் என்று ஆசிரியர் எடுத்துக்கூறுவார். புகழ்ச்சி என்று வரும்போது நம்மை அறியாமல் அந்த புகழ்ச்சிக்கு வசப்பட்டு நாம் வெட்கப்பட்டு, உடல் அசைவுகள், கை, கால்களின் செய்கைகள் மற்றும் முகம் எப்படி அவற்றை எதிர்கொள்கிறது போன்ற நாம் செய்யும் தவறுகளை ஆசிரியர் சுட்டிக்காட்டுவார்.  

ஆகவே தயங்காமல் உதவி கேட்க்கும் மனப்பக்குவமும் எந்த சூழ்நிலையிலும் உணர்ச்சிவசப்படாமல் எந்தவித சவால்களையும் எதிர்கொள்ளவேண்டிய பயிற்சி விளையாட்டை நாம் சரியாக புரிந்துகொண்ட விளையாடினாள் எதிர்வரும் காலத்தில் எந்த வித சவால்களையும் எதிர்கொள்ளும் மனப்பக்குவம் நமக்கு கிடைக்கும் என்பதை சொல்லித்தரும் பயிற்சி விளையாட்டுதான் இந்த விளையாட்டு.

என்ன சுட்டீஸ் இந்த விளையாட்டு உங்களுக்கு பிடித்திருக்கிறதா? நீங்கள் இந்த விளையாட்டை எப்படி விளையாடுவார்கள் என்று கூறுங்கள்.

நன்றிகளுடன் கோகி-ரேடியோ மார்கோனி.   

முன்னோட்டம்:-
நாளை மறுநாள் நாம் விளையாடவிருக்கும் பயிற்சி விளையாட்டு:-
*பயிற்சி விளையாட்டு தொடரின் பகுதி-8*
மனப்பாடம் செய்ய பயிற்சி விளையாட்டு-8/4இல் நாளை மறுநாள் கூறுகிறேன். 

*பயிற்சி விளையாட்டு தொடர் பகுதி-8*

🙏*இனிய காலை வணக்கம்* 🙏
*பயிற்சி விளையாட்டு தொடர் பகுதி-8*
*(ஆ) மனப்பாடம் செய்ய பயிற்சி விளையாட்டு-4*
*இனி இராகு காலம், எமகண்டம் பார்ப்பது சுலபமே* 🙋‍♂🤷‍♂
*இது எங்களுக்கு அப்பா சொல்லிக் கொடுத்த பாடம்....*
*காலண்டரை பார்க்காமலே *ராகு காலம் எம கண்டம் *அறியும் வழி*
*பொதுவாகவே, வெளியே செல்லும்போதோ, சுபகாரியம் செய்யும் போதோ ராகு காலம், யமகண்டம் பார்ப்பது பலருக்கும் வழக்கம்.*

அந்த சமயத்தில் அவசர அவசரமாக காலண்டரைத் தேடி அன்றைய தினத்து ராகு காலம், எமகண்டத்தை பார்ப்பதே பரபரப்பானதாக இருக்கும். 
அப்படி இல்லாமல், ஒவ்வொரு நாளுக்கும் உரிய ராகு காலம், யமகண்டத்தை எளிதாக அறிந்துகொள்ள சுலபமான வழி உண்டு.

அதற்கு, கீழ்க்கண்ட வாக்கியத்தை முதலில் மனப்பாடம் செய்து கொள்ள வேண்டும்.
*திருநாள் சந்தடியில் வெயிலில் புறப்பட்டு விளையாடச் செல்வது ஞாயமா?*
👆இந்த வாக்கியம், ராகுகாலத்தினை அறிவதற்கானது. வாக்கியத்தில் உள்ள வார்த்தைகளில் முதல் எழுத்துகளை, கிழமைகளின் முதல் எழுத்தாக கொள்ளுங்கள்.
முதலில் திங்கட்கிழமையில் காலையில் 7.30 மணி முதல் 9 மணி வரை ராகுகாலம் அமையும். அதுமுதல் அடுத்தடுத்துள்ள 1லு மணி நேரத்திற்கு உரிய தினம் எது என்று தெரியுமா?
திங்கள்:7.30-9.00; சனி:9.00-10.30; வெள்ளி: 10.30-12.00; புதன்:12.00-1.30; வியாழன்:1.30-3.00; செவ்வாய்: 3.00-4.30; ஞாயிறு: 4.30-6.00.
மேற்கண்டவாறு மனப்பாடம் செய்து கொண்டால் காலண்டரைப் பார்க்காமலே சட்டென்று ராகு காலம் சொல்லிவிடலாம் இல்லையா?
அடுத்தது, யமகண்டத்திற்கான
வாக்கியம👇

*விளையாட்டாய் புண்ணியம் செய்தாலும் திருவருளை ஞானமும் சத்தியமும் வெளிப்படுத்தும்.*👇
யமகண்டம் வியாழக்கிழமை காலை 6 மணி முதல் 7.30 மணி வரை அமையும். இந்த வாக்கியத்தில் உள்ள முதல் எழுத்து வரிசைப்படி கிழமைகள் அடுத்தடுத்துவர, அடுத்தடுத்த 1.30 மணி நேரம் யமகண்டமாகும்.
வியாழன்: 6.00-7.30; புதன்: 7.30-9.00; செவ்வாய்: 9.00-10.30; திங்கள்: 10.30-12.00; ஞாயிறு: 12.00-1.30; சனி: 1.30- 3.00; வெள்ளி: 3.00-4.30.
*என்ன... இனிமேல் ராகுகாலம், யமகண்டம் பார்ப்பது சுலபம்தானே!*
அடுத்த பதிவில்
நன்றிகளுடன் கோகி-ரேடியோ மார்க்கோனி.

ுன்னோட்டம்:-
நாளை மறுநாள் நாம் விளையாடவிருக்கும் பயிற்சி விளையாட்டு:-
*பயிற்சி விளையாட்டு தொடரின் பகுதி-9*
(ஊ) தேர்வு எழுதும் பயிச்சி விளையாட்டு-1
ஒரு தேர்வை எப்படி எதிர்கொள்வது என்பதற்கான பயிற்சி விளையாட்டு 09/1இல் நாளை மறுநாள் கூறுகிறேன். 

பயிற்சி விளையாட்டு தொடரின் பகுதி-5

*பயிற்சி விளையாட்டு தொடரின் பகுதி-5*
*(ஆ)மனப்பாடம் செய்ய பயிற்சி விளையாட்டு-2*

நாம் எப்போதும் ஒரு பாடத்தின் இறுதியில் கேட்கப்படும் கேள்வி பதிலை மட்டும் படிக்க விருப்பப்படுவோம். 

மனப்பாடம் செய்ய இந்த முறை தவறான முறையாகும். நாம் அந்த முழுப் பாடத்தையும் படித்தால்தான் எப்படிப்பட்ட கேள்விக்கும் பயமில்லாமல் சிறப்பாக பதில் எழுதமுடியும். முழுப்படமும் படிக்கணுமா அப்பாடா அது ரொம்ப கஷ்டமாச்சே என்று நினைக்கிறீர்களா? வாங்க இந்த விளையாட்டை விளையாடி எதையும் வெகு எளிமையாக செய்திடலாம்.

முழுப்படத்தையும் மனப்பாடம் செய்யும் விளையாட்டை எப்படி விளையாடுவது? இதுக்கு நீங்கள் உங்கள் வகுப்பில் உங்களோடு படிக்கும் 4 அல்லது 5 மாணவர்கள் ஒரு குழுவாக சேர்ந்து இந்த விளையாட்டை விளையாடவேண்டும். விளையாட்டு என்னவென்றால்...

உங்கள் குழுவிற்கு ஒரு போட்டி அதாவது நாளை விளையாட ஒரு குறிப்பிட்ட பாடத்தை போட்டிக்கான பாடமாக அறிவிக்கவேண்டும். குறிப்பிட்ட அந்த பாடத்தில் ஏதாவது ஒரு இடத்திலிருக்கும் ஒரு கடினமான ஒரு கேள்வியை உருவாக்கி உங்கள் குழுவிலிருக்கும் மற்றவர்களை கேட்கவேண்டும். மற்றவர்கள் உங்கள் கேள்விக்கு பதில் சொல்லிவிட்டால் உங்களுக்கு மதிப்பெண் கிடையாது. நீங்கள் கேட்கும் கேள்விக்கு யாருக்குமே பதில் தெரியாவிட்டால் உங்களுக்கு ஒரு மதிப்பெண் கிடைக்கும். இப்படி உங்கள் குழுவினர்கள் ஒருவர் மாற்றி ஒருவராக அந்த பாடத்தில் துருவித் துருவி எங்காவது ஒரு இடத்திலிருந்து கஷ்டமான கேள்வியை கேட்டு மதிப்பெண் எடுக்க முயற்சிக்கவேண்டும். அதிக மதிப்பெண் எடுத்தவர்கள் வெற்றிபெற்றவர்கள்.

இந்த விளையாட்டை விளையாட நீங்கள் வெற்றிபெறவேண்டும் என்கிற முனைப்பில் முழு பாடத்தையும் மிக மிக கவனமாக படித்து அதிலிருந்து போட்டிக்கான கேள்விகளை தயாரிக்கும்போதே உங்கள் மனதில் அந்த பாடம் முழுதும் பதிந்து மனப்பாடமாகிவிடும். பிறகு இந்த விளையாட்டு பாடம் எந்தக்காலத்திலும் உங்களால் மறக்கமுடியாது.  இப்படி தினமும் ஒரு பாடத்தில் உங்களது விளையாட்டை விளையாடவேண்டும். பிறகு பாருங்கள் அந்த வருடம் உங்கள் குழுவினர்கள் அனைவரும் முதல் மதிப்பெண் எடுத்து வெற்றிபெறுவீர்கள்.

அப்படித்தான் ஒருமுறை எங்களது தமிழாசிரியர் எங்களை வைத்தே விளையாடி, எங்களது பாடங்களை வாழ்நாள் முழுதும் நாங்கள் மறக்க முடியாதபடி ஒரு ஆச்சரிய விளையாட்டு விளையாடினார் அது என்ன விளையாட்டு? என்று அடுத்த பதிவில் (ஆ)மனப்பாடம் செய்ய பயிற்சி விளையாட்டு-3இல் கூறுகிறேன். 

என்ன சுட்டீஸ் உங்களுக்கு இந்த பயிற்சி விளையாட்டு எப்படி விளையாடவேண்டும் என்று புரிந்ததா?. கட்டுரையில் படித்து புரிந்துகொள்ள முடியவில்லை என்றால் எனது ஒலிப்பதிவை கேட்டு தெரிந்துகொள்ளுங்கள். மேலும் உங்களுக்கு இந்த விளையாட்டு புரிந்ததா? என்பதை அவசியம் தெரியப்படுத்துங்கள். அப்போதுதான் இதுபோன்ற படிப்பு விளையாட்டை சொல்லித்தருவது சிறந்த பலனை தருகிறதா இல்லையா? என்பதை நான் தெரிந்துகொண்டு அதற்க்கேற்ப ஏதாவது மாறுதல் தேவைப்பட்டால் செய்து மேலும் சிறப்பாக இந்த விளையாட்டை விளையாட முடியும். 

என்ன சுட்டீஸ் நீங்கள் உங்களது  கருத்துக்களை அவசியம் தெரிவியுங்கள்.

இனி அடுத்த பதிவுகளிலிருந்து தினம் ஒரு பதிவு கிடையாது. வாரத்திற்கு ஒரு பதிவு என்று ஒவ்வொரு புதன் கிழமை அன்று இந்த பறிச்சி விளையாட்டுப்பதிவுகள் உங்களுக்கு தொடர்ந்து விளையாட கிடைக்கும். 

மீண்டும் வரும் புதன் கிழமை பதிவில் சந்திப்போமா? அடுத்த புதன்கிழமை வரும்வரை, இதுவரை நீங்கள் தெரிந்துகொண்ட பயிற்சி விளையாட்டை விளையாடி பழகிக்கொள்ளுங்கள்.  

நன்றிகளுடன் கோகி-ரேடியோ மார்கோனி.

*முன்னோட்டம்:-*
நாளை மறுநாள் நாம் விளையாடவிருக்கும் பயிற்சி விளையாட்டு:-
*பயிற்சி விளையாட்டு தொடரின் பகுதி-6*
*மனப்பாடம் செய்ய பயிற்சி விளையாட்டு-3*
அப்படித்தான் ஒருமுறை எங்களது தமிழாசிரியர் எங்களை வைத்தே விளையாடி, எங்களது பாடங்களை வாழ்நாள் முழுதும் நாங்கள் மறக்க முடியாதபடி ஒரு ஆச்சரிய விளையாட்டு விளையாடினார் அது என்ன விளையாட்டு? என்று அடுத்த பதிவில் மனப்பாடம் செய்ய பயிற்சி விளையாட்டு-3இல் கூறுகிறேன். 
Create your own Online Supplement Store with eStoreBuilder at www.estorebuilder.com.